GESANG 275

1. HEIL'GE JESUS, WAT MY LEWE
   WIL HEILIG - HART EN WIL EN REDE -
   HOE HEERLIK IS U HEILIGHEID !
   U, MY VOORBEELD, AL DIE LUISTER 
   VAN ENGELHEILIGHEID WORD DUISTER
   TEEN U VOLMAAKTE HEILIGHEID.
   O HEER, SO ONBESMET,
   U IS MY HOOF EN WET. 
   HEIL'GE JESUS, O HEILIG MY,
   STAAN U BY MY
   OM HART EN HANDEL U TE WY.

2. HEILAND, TOE U MENS GEWORD HET,
   EN VIR DIE MENS U BLOED GESTORT HET, 
   HET U GEKOM IN GOD SE WIL.
   O MAG AL MY LEWENSDAE 
   GESTALTE GEE AAN U BEHAE
   EN EK MY WIL VOEG NA U WIL.
   EK WIL MY HART EN HAND,
   MY HEER, AAN U VERPAND. 
   HOOR MY BEDE:
   O HEILIG MY, WIL U MY LEI
   OM AL MY LIEFDE U TE WY.

3. ELKE DAG, AS MENS VERBONDE
   AAN HELING VAN DIE SMART EN SONDE,
   HET U VERLOS, GETROOS, GEDIEN.
   JA, O HEER, IN ALLE TYE 
   WAS U VERVUL MET MEDELYE,
   EN ALLE NOOD HET U GESIEN.
   LEER MY OOK ELKE DAG
   WAT U VAN MY VERWAG. 
   LAAT MY LIEFDE
   OPMERKSAAM BLY, WIL U MY LEI
   OM AAN U DIENS MY TOE TE WY.

4. U, O JESUS, HET GEDULDIG
   DIE ERGSTE LEED VERDUUR;  ONSKULDIG, 
   OP VYANDE U NOOIT GEWREEK.
   SELFS VIR HUL MET WREDE HARTE 
   HET U GEBID - IN HELLESMARTE.
   U HET GEKOM OM VRY TE SPREEK.
   U DRA DIE DORINGKROON,
   VERDRA DIE SMART EN HOON. 
   JESUS CHRISTUS,
   O HEILIG MY, DAT AS EK LY,
   EK OOK SOOS U VERGEWEND BLY.

5. HEIL'GE JESUS, HOOR MY BEDE:
   HERVORM MY HART, MY KRAG, MY REDE;
   MAAK MY AL MEER U BEELD GELYK
   IN MY WIL EN IN MY WANDEL, 
   DAT IN MY DENKE, SPREKE, HANDEL,
   IN ALLES SLEGS U BEELT'NIS BLYK !
   HERSKEP, VOLKOME, HEER,
   MY LEWE TOT U EER. 
   HEIL'GE JESUS,
   O HEILIG MY, WIL U MY LEI
   OM MY GEHEEL AAN U TE WY.